തെക്കന്‍ കശ്മീരിലെ ഷോപിയാനില്‍ സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലില്‍ രണ്ട് ഭീകരര്‍ കൊല്ലപ്പെട്ടു. ഏറ്റുമുട്ടലിനിടെ ഗ്രാമവാസിയായ ഒരു കുട്ടി വെടിയേറ്റു മരിച്ചതായും രണ്ട് സ്ത്രീകള്‍ക്ക് പരിക്കേറ്റിട്ടുണ്ടെന്നും ജമ്മു കശ്മീര്‍ ഡിജിപി എസ്.പി വൈദ് അറിയിച്ചു.
ബുധനാഴ്ച വൈകുന്നേരം ഖലാംപോറ ഗ്രാമത്തിലുണ്ടായ ഏറ്റുമുട്ടലിലാണ് പതിനേഴുകാരനായ ഷക്കിർ കൊല്ലപ്പെട്ടത്. പരിക്കേറ്റ പെണ്‍കുട്ടികളെ പുൽവാമയിലെ ആശുപത്രിയിൽ പ്രവേശിപ്പിച്ചു. രണ്ടു പെണ്‍കുട്ടികളുടെയും ശരീരത്തിൽ വെടിയുണ്ട തുളച്ചുകയറിയിട്ടുണ്ടെന്ന് ഡോക്ടർമാർ അറിയിച്ചു.
