ആര്‍ട്ടിഫിഷ്യല്‍ ഇന്റലിജന്‍സ് സമ്പദ് വ്യവസ്ഥയെയും സുരക്ഷയെയും സമൂഹത്തെയും പുതുക്കിപ്പണിതുകൊണ്ടിരിക്കുകയാണെന്ന് പാരീസിലെ എ ഐ ആക്ഷന്‍ ഉച്ചകോടിയില്‍ പ്രധാനമന്ത്രി നരേന്ദ്രമോദി. ഇരുപത്തിയൊന്നാം നൂറ്റാണ്ടില്‍ മനുഷ്യവംശത്തിന്റെ കോഡ് എഴുതികൊണ്ടിരിക്കുകയാണെന്നും ആരോഗ്യവും വിദ്യഭ്യാസവും കൃഷിയുമടക്കമുള്ള മേഖലകള്‍ മെച്ചപ്പെടുത്തി എ ഐ ദശലക്ഷങ്ങളുടെ ജീവിതത്തെ തന്നെ മാറ്റുമെന്നും പ്രധാനമന്ത്രി പറഞ്ഞു.
സുസ്ഥിര വികസനത്തിന്റെ ലക്ഷ്യങ്ങള്‍ വേഗത്തിലും എളുപ്പത്തിലും സാക്ഷാത്കരിക്കുന്ന ഒരു ലോകം സൃഷ്ടിക്കാന്‍ എ ഐ സഹായിക്കും. വിശ്വാസ്യതയും സുതാര്യതയും ഉറപ്പാക്കുന്ന ഓപ്പണ്‍ സോഴ്‌സ് സിസ്റ്റം നമ്മള്‍ വികസിപ്പിക്കേണ്ടതുണ്ട്. എ ഐ കാരണം ജോലി നഷ്ടപ്പെടുമെന്നാണ് ഏവരും ഭയക്കുന്നത്. എന്നാല്‍ ടെക്നോളജി കാരണം ജോലി നഷ്ടമാകില്ലെന്നാണ് ചരിത്രം കാണിച്ചുതന്നിട്ടുള്ളതെന്നും പ്രധാനമന്ത്രി ഓര്‍മിപ്പിച്ചു.
