യുപിയിലെ ലഖിംപുർ ഖേരിയിൽ പതിമൂന്നുകാരിയെ കൂട്ടബലാത്സംഗം ചെയ്ത് കൊന്ന സംഭവത്തിന് പിന്നിൽ സഹോദരിയുടെ അവിഹിതബന്ധങ്ങളെ എതിർത്തതിലുള്ള വൈരാഗ്യം. തൻ്റെ അവിഹിതബന്ധങ്ങൾ പുറത്തറിയുമെന്ന ഭയത്തിൽ സഹോദരി തന്നെ തൻ്റെ കാമുകന്മാരെ ഉപയോഗിച്ച് 13 കാരിയെ കൊലപ്പെടുത്തുകയായിരുന്നു.
സംഭവത്തിൽ സഹോദരിയുൾപ്പടെ 7 പേരെ പോലീസ് അറസ്റ്റ് ചെയ്തു. നാല് പേർ കൃത്യത്തിൽ പങ്കെടുത്തവരും മറ്റുള്ളവർ കാവൽ നിന്നവരുമാണെന്ന് പോലീസ് വ്യക്തമാക്കി. പ്രതികൾ എല്ലാവരും 18-19 വയസ് പ്രായമുള്ളവരാണ്. സഹോദരിക്ക് പ്രതികളായ നാലുപേരുമായി അവിഹിതബന്ധമുണ്ടായിരുന്നു. ഇതിൻ്റെ പേരിൽ സഹോദരിയുമായി വഴക്കുണ്ടാവുക പതിയായിരുന്നു.
ചൊവ്വാഴ്ച പ്രാഥമിക കൃത്യത്തിനെന്ന വ്യാജേന വീടിനടുത്തുള്ള കരിമ്പിൻ തോട്ടത്തിലേക്ക് സഹോദരി പെൺകുട്ടിയെ കൊണ്ടുപോവുകയായിരുന്നു. അവിടെവെച്ച് പ്രതികളായ നാലുപേർ ചേർന്ന പെൺകുട്ടിയെ ബലാത്സംഗം ചെയ്യുകയും സ്കാർഫ് ഉപയോഗിച്ച് കഴുത്ത് ഞെരിച്ച് കൊലചെയ്യുകയുമായിരുന്നു. നാട്ടുകാരാണ് പെൺകുട്ടിയുടെ മൃതദേഹം കണ്ടെത്തിയത്. പ്രതികൾ കുറ്റം സമ്മതിച്ചതായി പോലീസ് വ്യക്തമാക്കി.
