വിവാഹം കഴിഞ്ഞ ശേഷം ആദ്യകാലങ്ങളിലുണ്ടായ വിവാദങ്ങളിലെല്ലാം തന്റെ നിലപാട് വ്യക്തമാക്കുകയാണ് നടി നമിത. വിവാഹവിശേഷങ്ങള്‍ പങ്കുവെയ്ക്കുന്ന ഒരു അഭിമുഖത്തിലായിരുന്നു തന്റെ സിനിമാജീവിതത്തിലുണ്ടായ ഗോസിപ്പുകളെക്കുറിച്ചെല്ലാം താരം വ്യക്തമാക്കിയത്.
തമിഴില്‍ മാത്രമല്ല തെലുങ്കിലും വെന്നിക്കൊടി പാറിച്ച താരമായിരുന്നു നമിത. പ്രഭാസ് നായകനായ ബില്ല തെലുങ്കില്‍ ഇറങ്ങിയ ശേഷമായിരുന്നു നമിതയേയും പ്രഭാസിനെയും ചേര്‍ത്തുള്ള ഗോസിപ്പുകളുണ്ടായത്. വര്‍ഷങ്ങളായി ഇരുവരും ലിവിങ്ങ് ടുഗദറാണെന്ന തരത്തിലായിരുന്നു അക്കാലത്തെ വാര്‍ത്തകള്‍.
ഏകദേശം പ്രഭാസിന്റെ അത്രത്തോളം പൊക്കവും അതിനൊത്ത ശരീരവുമുള്ള ആലായിരുന്നു ഞാന്‍. അതുകൊണ്ടുതന്നെ ഞങ്ങളെ സ്‌ക്രീനില്‍ ഒരുമിച്ച് കാണാനും ഭംഗിയുണ്ടായിരുന്നു. ഇതായിരുന്നു എല്ലാ ഗോസിപ്പുകള്‍ക്കും കാരണമെന്നാണ് നമിത പറഞ്ഞത്.
മുതിര്‍ന്ന താരമായ ശരത്ത് ബാബുവുമായിട്ടും നമിതയുടെ പേരുകള്‍ ചേര്‍ത്തുള്ള ഗോസിപ്പുകള്‍ ഉണ്ടായിരുന്നു. പിതൃതുല്യനായാണ് അദ്ദേഹത്തെ കാണുന്നതെന്നും പറയുന്നവര്‍ക്ക് എന്തുവേണമെങ്കിലും പറയാം എന്നുമായിരുന്നു ചിരിച്ചുകൊണ്ട് നമിത നല്‍കിയ മറുപടി.
