ദിലീഷ് പോത്തൻ സംവിധാനം ചെയ്ത തൊണ്ടിമുതലും ദൃക്സാക്ഷിയും എന്ന ചിത്രം ഏറെ ശ്രദ്ധ നേടിയിരുന്നു. ഈ ചിത്രത്തിലെ അഭിനയത്തിന് സുരാജും ഹഹദ് ഫാസിലും ഏറെ പ്രേക്ഷക പ്രശംസ നേടുകയും ചെയ്തു. എന്നാൽ ഈ സിനിമയിലെ ഫഹദ് അഭിനയിച്ച കഥാപാത്രത്തിനായി ആദ്യം തീരുമാനിച്ചത് സൗബിൻ ഷാഹിറിനെയായിരുന്നു എന്ന് സംവിധായകൻ ദിലീഷ് പോത്തൻ പറഞ്ഞിരുന്നു. എന്നാൽ ആ കഥാപാത്രം എന്തുകൊണ്ട് ഏറ്റെടുത്തില്ല എന്ന് വ്യക്തമാക്കിയിരിക്കുകയാണ് സൗബിൻ
തൊണ്ടി മുതലും ദൃക്സാക്ഷിയും എന്ന സിനിമയിൽ അഭിനയിക്കാനായി ദിലീഷ് പൊത്തൻ തന്നോട് ആവശ്യപ്പെട്ടിരുന്നു. എന്നാൽ പിന്നീട് സിനിമയുടെ ഷൂട്ട് തുടങ്ങിയപ്പോഴേക്കും താൻ തന്റെ ആദ്യ സംവിധാന സംരംഭമായ പറവയുടെ ജോലികളിലേക്ക് കടന്നിരുന്നു ഇക്കാരണത്താലാണ് ആ സിനിമയിൽ അഭിനയിക്കാൻ പറ്റാതിരുന്നത്. ഇതിനെ കുറിച്ച് ദിലീഷ് പോത്തനുമായി സംസാരിച്ച് തീരുമാനത്തിലെത്തി എന്നും സൗബിൻ പറയുന്നു.
തുടർന്ന് ദിലീഷ് പോത്തൻ കഥാപാത്രങ്ങളിൽ മാറ്റം വരുത്തുകയായിരുന്നു. സിനിമ വലിയ വിജയമാവുകയും. അഭിനയതാക്കളെയും അണിയറപ്രവർത്തകരേയും പുരസ്കാരങ്ങൾ തേടിയെത്തുകയും ചെയ്തിരുന്നു. സൗബിൻ മനോരമ ന്യൂസിനു നൽകിയ അഭിമുഖത്തിലാണ് ഇക്കാര്യങ്ങൾ വെളിപ്പെടുത്തിയത്.
